İsrail Baş naziri Binyamin Netanyahu Yunanıstan və Cənubi Kipr liderləri ilə birgə Yerusəlimdə keçirilən üçlü zirvə zamanı Türkiyəyə ünvanlanmış açıq mesaj verib. Zirvə üç ölkənin bölgədə təhlükəsizlik və əməkdaşlığı gücləndirmək məqsədi ilə bir araya gəlməsi ilə keçirilib.
Netanyahu, Yunanıstan Baş naziri Kiryakos Miçotakis və Kipr Prezidenti Nikos Xristodulidis ilə yan-yana dayanaraq, keçmişdə bütün bu ölkələrin ard-arda imperiyalar tərəfindən fəth edildiyini xatırladıb.
O, bölgədə imperiyalarını yenidən qurmaq və başqa ölkələrin torpaqlarına nəzarət etmək istədiklərini düşünənlərə açıq mesaj verərək dedi:
“Unudun. Bu olmayacaq. Ağlınızdan belə keçirməyin.” — bu barədə o, bu cür fantaziyalara qapılmamağı məsləhət görüb.
Netanyahu həmçinin vurğulayıb ki, üç ölkə özlərini müdafiə etməyə qətiyyətlidir və bu əməkdaşlıq onların müdafiə qabiliyyətini daha da gücləndirir.
Zirvə nəticəsində imzalanan birgə bəyanatda liderlər təhlükəsizlik, müdafiə və hərbi əməkdaşlığı dərindən inkişaf etdirmək barədə razılığa gəliblər. Sənəddə dəniz təhlükəsizliyinin və kritik infrastrukturun mühafizəsində əməkdaşlığın artırılacağı da vurğulanıb.
