Nazirlər Kabineti yanacaqdoldurma və qaz təchizatı obyektlərinin quraşdırılması və istismarı üçün lisenziya blanklarının yeni formalarını təsdiqləyib.
Yeni qərara əsasən, “Yanacaqdoldurma və qaz təchizatı obyektlərinin quraşdırılması və istismarına ümumi lisenziya”, “Yanacaqdoldurma və qaz təchizatı obyektlərinin quraşdırılmasına xüsusi lisenziya” və “Yanacaqdoldurma və qaz təchizatı obyektlərinin istismarına xüsusi lisenziya” blankları rəsmi istifadəyə verilib.
Baş nazir Əli Əsədov tərəfindən imzalanan qərar, lisenziya blanklarının hazırlanması, bölgüsü, istifadəsi və uçotu ilə bağlı qaydaları tamamlayır və 2016-cı il 5 avqust tarixli müvafiq qərara əlavə kimi tətbiq olunur. Bu addım yanacaqdoldurma və qaz təchizatı obyektlərinin fəaliyyətinin qanunvericilik çərçivəsində şəffaf və nəzarətli həyata keçirilməsinə imkan yaradacaq.
