Meksika Azərbaycana yeni hərbi attaşe təyin edib. Bu barədə məlumatı “Report”-a Meksikanın Bakıda yerləşən səfirliyi verib. Vəzifəyə Hərbi Hava Qüvvələrinin polkovniki və Baş Qərargah zabiti Marko Covanni Leyva Kontreras təyin olunub.
Diplomatik nümayəndəlik bildirib ki, Marko Covanni Leyva Kontrerasın iqamətgahı Ankarada olacaq. Səfirlik onun təyinatını Azərbaycanla Meksika arasında ikitərəfli münasibətlərin, o cümlədən hərbi-siyasi əməkdaşlığın daha da möhkəmləndirilməsi baxımından əhəmiyyətli addım kimi dəyərləndirib.
Səfirlik deyib ki, yeni təyinat iki ölkə arasında dialoqun və əməkdaşlığın genişlənməsinə müsbət töhfə verəcək.
