İsrail Ali Məhkəməsi beş ay əvvəl ölkə həbsxanalarının fələstinli məhbuslara yetərincə qida vermədiyi qənaətinə gələrək, şərtlərin yaxşılaşdırılması barədə qərar verib və həbsxanalarda məcburi artırılmış qida təminatı tələb edib.
Lakin “Reuters“-in xəbərinə görə, bu qərardan sonra belə vəziyyət əhəmiyyətli dərəcədə dəyişməyib və çoxsaylı məhbuslar hələ də ciddi aclıq və pis qidalanma ilə üzləşirlər.
Nümunə olaraq, 45 yaşlı fələstinli jurnalist Samer Xavaireh bildirib ki, Megiddo və Nafha həbsxanalarında tutulduğu müddətdə gündə yalnız az miqdarda çörək, bir az hummus və tahini, həftədə iki dəfə isə tuna balığı aldığını deyib. Onun sözlərinə görə, bu pəhriz nəticəsində təxminən 22 kilo itirib və xəstəliklərdən əziyyət çəkərək buraxılıb.
Məhbuslar və hüquq müdafiəçiləri qeyd edirlər ki, məhkəmənin qərarı tətbiq edilməyib və qida çatışmazlığı davam edir. Hüquq qrupları həbsxana xidmətinin Ali Məhkəmənin tələblərini yerinə yetirməməsinə görə məhkəmədə məsuliyyətə cəlb olunmasını tələb ediblər. səkkiz minə yaxın fələstinli məhbusun saxlanıldığı İsrail həbsxanalarında bəzi hallarda aclıq səbəbindən ölüm hallarının da olduğu bildirilir.
