İraq parlamenti 11 aprel tarixində kürd siyasətçi Nizar Amidini prezident seçib. O, “Kürdüstan Vətənpərvərlər İttifaqı”nın namizədi idi və səsvermə ikinci turda başa çatıb.
“Reuters” ingilisdilli materialında soyadı “Amedi”, digər mənbələrin bir hissəsində isə “Amidi” kimi verilir.
Məlumata görə, hazırkı prezident Əbdül Lətif Rəşid seçkilərdə iştirak etməyib. İraqın rəsmi xəbər agentliyi INA onun namizədliyini geri götürdüyünü yazıb.
İraqda prezident postu ənənəvi olaraq kürd siyasətçiyə verilir. Yeni prezidentin növbəti 15 gün ərzində ən böyük parlament blokunun namizədinə hökumət qurmaq tapşırığı verməsi gözlənilir.
