İran rejiminin son hədələri ABŞ və bölgədəki geosiyasi proseslər üzərində təsir yaratmağa başlayıb.
İran İnqilab Keşikçiləri Korpusu (SEPAH) və ali rəsmilər, mümkün bir ABŞ hücumuna qarşı ciddi nəticələr verə biləcəkləri barədə mesajlar yayıb və bunun enerji axını kimi strateji nöqtələrə təsir edəcəyini bildirib. Bu strateji hədə, Hörmüz Boğazı və enerji nəqli ilə bağlı region ölkələrini də narahat edib.
Nəticədə, Səudiyyə Ərəbistanı və Birləşmiş Ərəb Əmirlikləri (BƏƏ) kimi əsas region aktorları, mümkün ABŞ hərbi əməliyyatları üçün hava sahələrini və bazalarını ABŞ qüvvələrinə açmayacaqlarını bəyan edərək hücum planlarının qarşısında əhəmiyyətli maneə yaradıb. Bu addım strateji mənada ən böyük əngəl olaraq qiymətləndirilir və ABŞ-ın mümkün hərbi müdaxilələrinin koordinasiyasını çətinləşdirir.
Hər iki Körfəz ölkəsinin mövqeyi, İranın enerji infrastrukturuna verilən siqnallar, həm də regional təhlükəsizlik balansları baxımından ciddi əhəmiyyət kəsb edir. Analitiklər bu gedişatın yalnız hərbi deyil, eyni zamanda enerji və iqtisadi sahələrdə də geniş təsirlər yarada biləcəyini vurğulayır.
Bu arada, ABŞ Prezidenti Donald Tramp İranla bağlı təhdidlərini davam etdirir və bölgəyə əlavə hərbi qüvvələr göndərdiyini açıqlayıb. İran da öz növbəsində dövləti ayaqda tuta bilmək üçün preventiv tədbirlərə və strateji mövqelərini möhkəmləndirmək üçün daxili hazırlıqlara başlayıb.
