İranın dövlət xəbər agentliyi “Tasnim” və dövlət televiziya kanalı “IRIB“-in yaydığı məlumata görə, İran İslam İnqilabı Keşikçiləri Korpusunun (SEPAH) Hərbi Dəniz Qüvvələri Hind okeanında ABŞ-a məxsus esminesə raket zərbəsi endirib.
İddialara əsasən, gəmi İran sahillərindən təxminən 650 kilometr məsafədə yerləşib. Bildirilir ki, hücum zamanı ən yeni “Qadr-380” və “Talaiyeh” tipli raketlərdən istifadə olunub. Məlumatda qeyd edilir ki, zərbə esmines ABŞ-a məxsus təchizat tankerindən yanacaq doldurduğu anda endirilib, nəticədə gəminin göyərtəsində güclü yanğın baş verib və ciddi zədələnmə qeydə alınıb.
Digər tərəfdən, ABŞ Silahlı Qüvvələrinin Mərkəzi Komandanlığı – CENTCOM yayılan məlumatları təkzib edib və insidentin baş vermədiyini açıqlayıb.
Hazırda tərəflərin bəyanatları bir-birini təkzib edir və hadisə ilə bağlı müstəqil mənbələr tərəfindən təsdiqlənmiş əlavə məlumat yoxdur.
