Son məlumatlara görə, İran İslam İnqilab Keşikçiləri Korpusunun (SEPAH) Hərbi Dəniz Qüvvələri Hörmüz Boğazında “keçid qadağası” elan edildikdən sonra bu qadağanı pozduğunu iddia etdiyi 10-dan çox neft tankerini vurduğunu və istifadəyə yararsız hala gətirdiyini açıqlayıb.
Rəsmi “Fars” xəbər agentliyinə istinadla yayılan açıqlamada boğazın “müharibə şəraiti altında” olduğu, təhlükəsizlik xəbərdarlıqlarına baxmayaraq gəmilərin keçməyə çalışdığı bildirilib və bu səbəbdən İranın hücum etdiyini vurğulanıb.
Iran donanması həmçinin Hörmüz Boğazı üzərindən tranzitlərin tamamilə dayandırıldığını və bu su yolunun “təhlükəsiz olmadığını” bəyan edib, gəmi kapitanlarına və şirkətlərə bölgədən uzaq durmaları üçün çağırış edib.
Boğaz, dünya neft ixracının təxminən 20 %-ni daşıyan qlobal enerji nəqli üçün kritik marşrut hesab olunur. Bu hadisələr dünya bazarlarında neft qiymətlərinin artmasına və dəniz nəqliyyatında ciddi narahatlıqların yaranmasına səbəb olur, çünki Hörmüz Boğazı olmadan bir çox neft və maye qaz ixracı ciddi çətinliklərlə üzləşə bilər.
Bu inkişaflar ABŞ-İsrail-İran arasında davam edən gərginliyin dəniz nəqliyyatına təsirinı daha da artırır və beynəlxalq ictimaiyyət tərəfindən yaxından izlənir.
