ABŞ və İsrailin İrandakı hədəflərə qarşı həyata keçirdiyi hava hücumunda süni intellekt texnologiyalarından istifadə edilmiş ola bilər.
Xəbərdə ABŞ mətbuatına istinadla bildirilir ki, ABŞ-ın Orta Şərq Mərkəzi Komandanlığı (CENTCOM) və digər qlobal komandanlıqlar San Francisko mərkəzli süni intellekt şirkəti “Anthropic”-nin alətlərindən kəşfiyyat analizi, hədəf müəyyənləşdirmə və müharibə ssenarilərinin simulyasiyası üçün istifadə edə bilər.
Bu iddia xüsusilə diqqət çəkir, çünki hücumdan bir neçə saat əvvəl ABŞ Prezidenti Donald Tramp bəzi federal strukturların bu texnologiyanı istifadəsini qadağan etdiyini açıqlamışdı. Bununla əlaqədar olaraq, hərbi komandanlıqların buna baxmayaraq müəyyən süni intellekt alətlərini əməliyyatda işə salması suallar doğurur.
Xəbərdə həmçinin qeyd edilir ki, “Anthropic” şirkətinin “Claude” adlı AI sistemlərinin məlumat analizində və qarşıdurma modellərinin qurulmasında istifadə olunduğu iddia edilir. ABŞ-nin bu texnologiya ilə bağlı daxili narazılığı və hərbi-strateji üstünlüyü qoruma istəyi, bu iddianın mənbəyini şübhə altına alsa da, süni intellektin müasir müharibə sahəsində getdikcə artan rolu müzakirəyə açıq qalmışdır.
Hazırda bu iddianın rəsmi təsdiqi yoxdur və həm ABŞ, həm də İsrailin süni intellektdən istifadəsi ilə bağlı konkret açıqlama verilməyib.
