Prezident İlham Əliyev Dövlət Sərhəd Xidmətinin (DSX) dörd hərbi qulluqçusuna ali hərbi rütbələrin verilməsi haqqında sərəncam imzalayıb. Sərəncam avqustun 17-də Azərbaycan Prezidentinin rəsmi internet səhifəsində dərc olunub.
MSNews.az xəbər verir ki, sərəncama əsasən, general-mayor Babək Mürsəl oğlu Ələkbərova, general-mayor Aqşin Ramiz oğlu Məhərrəmova və general-mayor Faiq Həmzəağa oğlu Məmmədova “general-leytenant” ali hərbi rütbəsi verilib.
Polkovnik Elfan Şakir oğlu Quliyev isə “general-mayor” ali hərbi rütbəsinə layiq görülüb.
