Hindistanın ən məşhur müğənnilərindən biri sayılan Aşa Bhosle Mumbayda 92 yaşında vəfat edib.
Aşa Bhosle şənbə axşamı sinə infeksiyası və halsızlıq səbəbilə Mumbaydakı özəl xəstəxanaya yerləşdirilmişdi. Onun çoxorqan çatışmazlığından öldüyünü bildirir.
Aşa Bhosle Hindistan kinosu və musiqisinin simvolik fiqurlarından biri idi. Onun karyerası təxminən yeddi onilliyi əhatə edib, o, Bollivud filmlərində saysız-hesabsız mahnılarla tanınıb və müxtəlif janrlardakı çoxşaxəli ifası ilə seçilib.
O, digər əfsanəvi hind müğənnisi Lata Mangeşkarın kiçik bacısı idi. Aşa Bhosle iki “Qremmi” nominasiyası almış, Hindistanın ən nüfuzlu kino-sənət mükafatı sayılan “Dadasaheb Phalke” mükafatına və ölkənin ikinci ən yüksək mülki təltiflərindən birinə layiq görülmüşdü.
Hindistanın baş naziri Narendra Modi də onun vəfatı ilə bağlı paylaşım edərək Aşa Bhoslenin onilliklər boyu ölkənin mədəni irsini zənginləşdirdiyini və səsinin dünyada saysız-hesabsız insanın qəlbinə toxunduğunu bildirib.
