Fransanın paytaxtı Parisdə maraqlı qarşılaşma baş verib. Mərakeşli futbolçu Aşraf Hakimi restoranlardan birində dünya şöhrətli müğənni Rihanna ilə görüşüb.
Məlumata görə, “PSJ” klubunun ulduzu Hakimi sənətçiyə üzərində imzası olan klub formasını hədiyyə edib. Hadisə qısa müddətdə sosial mediada geniş yayılıb və azarkeşlər tərəfindən maraqla qarşılanıb.
Rihanna isə uzun illərdir futbol dünyası ilə maraqlanan məşhurlardan biri kimi tanınır və tez-tez iri idman tədbirlərində görünür. Hakimi ilə bu qeyri-rəsmi görüş də idman və şou-biznes dünyasının diqqətini cəlb edib.
