Onkoloq Tayfun Hancılar günəş kremlərindən düzgün istifadə barədə maraqlı məsləhətlər verir. O bildirir ki, “Günəş kremlərindən doğru istifadə etsək dost, yanlış istifadə etsək düşmən olur”.
Yay aylarında saat 09:00-11:00 arasında və ya 16:00-dan sonra açıq rəngli dəriyə sahib olan insanlar ilk iki gün 10 dəqiqə, sonrakı günlər isə 20 dəqiqə kremdən istifadə etmədən günəşlənə bilərlər ki, bədən D vitaminini qəbul etsin. Nisbətən tünd rəngli dəriyə malik olanlar isə ilk iki gün 20 dəqiqə, sonrakı günlər 30-40 dəqiqə günəşlənə bilirlər. Bu müddət bədənin D vitamini əldə etməsi üçün yetərlidir.
Bununla belə, işindən dolayı günəşin altında çox qalmalı olan insanlarda risk daha yüksəkdir. Xüsusən, baş-boyun nahiyələri günəş şüalarına məruz qalır və gələcəkdə dəri xərçəngi olan “Malign Melanom”un yaranmasına səbəb ola bilər. Eyni zamanda, günəşdən müdafiə kremlərindən həddindən artıq istifadə edərkən dəri lazım olan D vitaminini qəbul edə bilmir və bu da xərçəng riskini artırır.
Onkoloq vurğulayır ki, günəşin zərərli təsirindən qorunmaq və D vitaminini balanslı əldə etmək üçün vaxt və dəri tipinə uyğun günəşlənmə rejimi vacibdir.
