Füzuli rayonunun Mollaməhərrəmli və Seyidəhmədli kəndləri istiqamətində, Araz çayı boyunca yerləşən açıq ərazidə güclü yanğın başlayıb.
MSNews.az xəbər verir ki, “APA”-nın Qarabağ bürosunun məlumatına görə, alov ətraf yaşayış məntəqələrindən də aydın görünür.
Yanğının söndürülməsi üçün hadisə yerinə Füzuli və Cəbrayıl rayonlarının yanğından mühafizə bölmələrinin texnikası və canlı qüvvəsi cəlb olunub. Yanğının səbəbi və əhatə etdiyi ərazi barədə hələlik rəsmi məlumat açıqlanmayıb.
