Ermənistanın beynəlxalq internet bağlantısı Azərbaycan üzərindən təmin ediləcək.
MSNews.az-ın məlumatına görə, “AzerTelecom” və “Telecom Armenia” şirkətləri Azərbaycan üzərindən Ermənistanın beynəlxalq internet bağlantısının təmin olunmasına dair ikitərəfli müqavilələr imzalayıb.
Razılaşmaya əsasən, Azərbaycanın aparıcı magistral internet operatorlarından olan “AzerTelecom” öz infrastrukturundan istifadə etməklə Ermənistan istiqamətində internet trafikinin tranzitini təmin edəcək.
Bildirilib ki, bu əməkdaşlıq “AzerTelecom”un beynəlxalq internet trafikinin təchizatı üzrə fəaliyyət coğrafiyasını genişləndirməsinə imkan yaradacaq.
Bu cür razılaşmalar regionda bağlantı marşrutlarının şaxələndirilməsi, telekommunikasiya şəbəkələrinin etibarlılığının artırılması və rəqəmsal əməkdaşlığın inkişafı baxımından əhəmiyyətli hesab olunur.
