Londonda yerləşən İnkişaf Etmiş Üz Estetikası və Plastik Cərrahiyyə Mərkəzi tərəfindən aparılan son araşdırmada, “üzün bütün elementləri fiziki mükəmməllik” kriteriyasına görə qiymətləndirilən məşhurlar arasında dünyanın ən gözəl qadını müəyyən edilib.
37 yaşlı amerikalı aktrisa Emma Stoun, nisbət standartlarına əsasən dünyanın ən gözəl qadını seçilib.
Araşdırmada qaş, burun və dodaq mövqeyi, göz qapağı, ağız quruluşu, alın genişliyi və digər bir çox parametr ölçülərək fiziki mükəmməllik üçün qiymətləndirmələr aparılıb.
Ən gözəl qadınlar siyahısına daxil olan digər məşhurlar isə bunlardır: Zendaya, Freyda Pinto, Vanessa Kirbi, Cenna Orteqa, Oliviya Rodriqo, Aişvarya Ray Raççan, Tanq Vey, Marqot Robbi və Beyons.
Araşdırmanın məqsədi antik Yunan dövründə istifadə olunan “mükəmməl qızıl nisbət” kriteriyalarını müasir məşhurlar üzərində tətbiq edərək fiziki gözəllik baxımından ən uyğun simaları müəyyən etmək olub.
