Məşhur influnser və kolleksiyaçı Loqan Pol dünyaca məşhur “Pikachu Illustrator” Pokémon oyun kartını rekord qiymətə satıb. Məlumata görə, nadir kart 16,5 milyon dollar (təxminən 28 milyon AZN) qiymətinə açıq hərracda alınıb və bu, bu kateqoriyada Ginnesin Dünya Rekorduna düşüb.
Bu kart Pokémon kolleksiyaçılığı dünyasında “Holy Grail” — ən arzuolunan nümunələrdən biri sayılır. 1998-ci ildə keçirilmiş bir illüstrasiya müsabiqəsi üçün hazırlanmış və yalnız bir neçə nüsxəsi mövcud olan bu kartlardan Loqan Polun sahibi olduğu versiya PSADA tərəfindən “10” keyfiyyət balı ilə ən yüksək səviyyədə qiymətləndirilib.
Kartı alan investor AJ Scaramucci olub və hərrac “Goldin Auctions” vasitəsilə reallaşıb. Loqan Pol kartı əvvəlcə 2021-ci ildə 5,3 milyon dollara almışdı və bu əvvəlki rekord satış idi. Yeni satışla kartın dəyəri daha da artaraq bütün kolleksiya kartları arasında ən baha satılan nümunə olaraq tarixə düşüb.
Bu satış Pokémon kart kolleksiyalarına və nadir kolleksiya obyektlərinin bazar dəyərinə olan marağın davam etdiyini göstərir.
