Meksikada “El Menço” ləqəbi ilə tanınan Xalisco Yeni Nəsil Kartelinin (CJNG) lideri üçün gerçəkləşdirilən dəfn mərasimi geniş maraq doğurub.
O, Zapopan şəhərində qızıl rəngli tabutda toprağa tapşırılıb.
El Menço bir həftə əvvəl Meksika ordusunun Xalisco əyalətində keçirdiyi əməliyyat zamanı öldürülüb. Onun ölümü ölkənin bir neçə regionunda silahlı qarşıdurmalara və kartel milislərinin intiqam reaksiyalarına səbəb olub və nəticədə çoxsaylı can itkisinə gətirib çıxarıb.
Çoxlu sayda hərbi və polis bölmələrinin iştirakı ilə həyata keçirilən dəfn mərasimində tabutun cəlbedici görüntüsü və güclü təhlükəsizlik tədbirləri kartel liderinin ölkədə hələ də böyük nüfuza malik olduğunu göstərir. Ən son hadisələr Meksika üçün təhlükəsizlik və ictimai nizam məsələlərini yenidən gündəmə gətirib.
