Fransa millisi dünya çempionatının “I” qrupunda İraq üzərində inamlı qələbə qazanıb.
MSNews.az xəbər verir ki, Fransa yığması İraqı 3:0 hesabı ilə məğlub edərək 1/16 final mərhələsinə vəsiqəni təmin edib.
Fransanın heyətində Kilian Mbappe 14-cü və 54-cü dəqiqələrdə fərqlənərək dubl edib. Usman Dembele isə 66-cı dəqiqədə komandasının üçüncü qolunu vurub.
Qarşılaşmanın ikinci hissəsi güclü hava şəraiti və ildırım təhlükəsi səbəbindən təxminən iki saat gec başlayıb. Buna baxmayaraq, Fransa fasilədən sonra da oyuna nəzarəti saxlayıb.
Fransa ilk turda Seneqalı 3:1 hesabı ilə məğlub etmişdi. İraq isə ilk matçında Norveçə 1:4 hesabı ilə uduzmuşdu. Bu nəticədən sonra Fransa qrupda ardıcıl ikinci qələbəsini qazanıb.
