Danimarka NATO-nun şərq cinahının gücləndirilməsi məqsədilə Latviyaya 850-dək hərbçidən ibarət döyüş batalyonu yerləşdirəcək.
MSNews.az xəbər verir ki, Danimarka Silahlı Qüvvələrinin məlumatına əsasən, batalyon avqustda Latviyadakı Kanada rəhbərliyində fəaliyyət göstərən NATO çoxmillətli briqadasına qoşulacaq. Missiyanın 2027-ci ilin yanvarınadək davam etməsi nəzərdə tutulur.
Yerləşdirmə çərçivəsində şəxsi heyət və ağır hərbi texnika Latviyaya daşınacaq. “Reuters” Danimarka müdafiə naziri Yeppe Bruusa istinadən missiyanın Rusiyaya qarşı çəkindirmə imkanlarının gücləndirilməsinə xidmət etdiyini bildirib.
NATO-nun Latviyadakı qüvvələri 2024-cü ildə batalyon səviyyəsindən briqada səviyyəsinə yüksəldilib. Alyans yerləşdirmənin müdafiə xarakteri daşıdığını bildirir.
