Naxçıvan Muxtar Respublikasının Ali Məclisinin 4 saylı Yengicə Seçki Dairəsindən olan deputatı Abbasov Əli Feyzulla oğlu ilə bağlı vətəndaş müraciətləri əsasında Ali Məclisin İntizam Komissiyası tərəfindən intizam icraatı başlanılıb.
Qanunvericiliyin tələblərinə əsasən, İntizam Komissiyasının hazırladığı rəy Naxçıvan Muxtar Respublikasının Mərkəzi Seçki Komissiyasına təqdim edilib.
Dekabrın 11-də Mərkəzi Seçki Komissiyası Əli Abbasovun deputat mandatından məhrum edilməsi barədə qərar qəbul edib.
Qeyd olunur ki, Əli Abbasovun mandatına xitam verilməsi məsələsi Ali Məclisin İntizam Komissiyasının iclasında müzakirə olunub. Bundan əlavə, sabiq deputatın adı bir müddət əvvəl məhkəmə işində hallanıb. Lakin tərəflər arasında barışıq əldə olunduğuna görə işə xitam verilib.
