Bəzi bölgələrdə müşahidə olunan PUA-lar Azərbaycana məxsusdur – narahatlığa əsas yoxdur.
Azərbaycanda bəzi bölgələrdə səmada müşahidə edilən pilotsuz uçuş aparatlarının (PUA) ölkəyə məxsus olduğu və nəzarət məqsədilə uçuşlar həyata keçirdiyi bildirilib.
Məlumata görə, sözügedən pilotsuz uçuş aparatları müəyyən ərazilərdə vəziyyətə nəzarət etmək üçün istifadə olunur və hazırkı şəraitdə bu cür uçuşlar normal hesab olunur.
Rəsmi mənbələr əhalini yayılan məlumatlar fonunda təşvişə düşməməyə çağıraraq bildiriblər ki, müşahidə edilən PUA-lar təhlükə yaratmır və planlı monitorinq uçuşları həyata keçirir.
Vətəndaşlara sosial şəbəkələrdə yayılan təsdiqlənməmiş məlumatlara inanmamaq və yalnız rəsmi mənbələrin açıqlamalarını izləmək tövsiyə olunur.
