Azərbaycan Prezidenti İlham Əliyevin tapşırığına əsasən, ölkəmiz İrana humanitar yardım göndərib.
Fövqəladə Hallar Nazirliyinin avtomobilləri vasitəsilə çatdırılan yardıma 10 ton un, 6 ton düyü, 2,4 ton şəkər, 4 tondan çox içməli su, təxminən 600 kq çay, həmçinin təxminən 2 ton dərman və tibbi ləvazimat daxildir. Yardım paketləri İranda yaşayan və ehtiyacı olan insanlara dəstək məqsədilə təqdim olunacaq.
Bu humanitar təşəbbüs Azərbaycan-İran dostluq və əməkdaşlıq əlaqələrinin gücləndirilməsinə xidmət edir.
