Yeni araşdırma göstərir ki, Şərqi Afrikada qitənin ayrılması prosesi əvvəl düşünüləndən daha sürətlə gedir. Son 5 min ildə artan quruluq və göl sularının səviyyəsinin azalması Şərqi Afrika Yarığı adlanan böyük tektonik çatın hərəkətini gücləndirib və nəticədə qabıq səthindəki hərəkətlər artıb.
Kolumbiya Universitetindən professorKristofer Şoltzun rəhbərliyindəki beynəlxalq elm qrupu “Scientific Reports” jurnalında dərc olunan tədqiqatda bildirib ki, Afrikanın bu hissəsindəki böyük göl – Turkana gölü – səviyyəsinin düşməsi yer qabığının üzərindəki ağırlığı azaldaraq fay xəttlərinin daha sürətli şəkildə hərəkət etməsinə səbəb olub.
Elm adamlarının fikrincə, suyun çəkilməsi yeraltı maqmanı da təsir edərək dekompressiya ilə maqmanın daha çox yerə dolmasına səbəb olur ki, bu da fay xətləri üzərində gərginliyi artırır və daha çox seysmik fəaliyyət yaradır.
Bu tektonik proses davam edərsə, gələcək milyonlarla ilin içində Şərqi Afrikadan ayrı bir yeni qitənin formalaşacağı və arada yeni bir okeanın yarana biləcəyi proqnozlaşdırılır. Əvvəllər belə qitə bölünməsinin on milyonlarla il alacağı düşünülürdü, lakin yeni araşdırmalar bu zaman aralığının daha qısa ola biləcəyini göstərir.
Bu kəşf həm tektonik plitələrin hərəkəti ilə iqlim dəyişikliklərinin qarşılıqlı təsirini, həm də planetimizin geoloji tarixinin nə qədər dinamik olduğunu vurğulayır.
