ABŞ ordusu hərbi əməliyyatlar nəticəsində üç amerikalı əsgərin həlak olduğunu və beş əsgərin ağır yaralandığını rəsmi şəkildə təsdiqləyib. Bu açıqlama ABŞ Mərkəzi Komanda Komandanlığı (CENTCOM) tərəfindən paylaşılıb.
CENTCOM-un açıqlamasında bildirilir ki, İranın artan hücumları nəticəsində baş verən toqquşmalarda çoxsaylı amerikalı hərbçi müxtəlif dərəcəli xəsarətlər alıb. Hazırda həlak olan əsgərlərin kimliyi hələ açıqlanmayıb.
Xəbərdə qeyd olunur ki, İran tərəfi Orta Şərqdə mövcud ABŞ hərbi qüvvələrini və müttəfiq bazalarını hədəf alır və bu hücumlar İsrail ilə ABŞ tərəfindən həyata keçirilən əməliyyatlardan sonra daha da intensivləşib.
Hazırda böhranlı vəziyyət davam edir və ABŞ ordusu qarşıdurmanın genişlənməsinin qarşısını almaq üçün həm strateji, həm də taktiki tədbirlər görür. Rəsmi açıqlamada vəziyyətin dəyişkən olduğu və daha çox detallı məlumatın gələcəyi qeyd olunub.
Bu arada, SEPAH istinad edən rus KİV-ləri Bəhreyndə dislokasiya olunmuş amerikan bazasına raket hücumları nəticəsində 560 ABŞ əsgərinin həlak olduğunu və yaralandığını açıqlayıb.
