ABŞ-ın Cənubi Karolina Dövlət Universitetinin kampusunda silahlı hücum nəticəsində iki nəfər həlak olub, bir nəfər yaralanıb, universitet və hüquq-mühafizə orqanlarının yaydığı açıqlamalarda bildirilir.
Hadisə Orincburq şəhərində yerləşən universitetin “Hugine Suites” tələbə yaşayış kompleksində gecə saatlarında baş verib və dərhal sonra kampus yenidən təhlükəsizlik səbəbilə qapadılıb. Hüquq-mühafizə orqanları və universitet nümayəndələri qurbanların şəxsiyyətini hələ açıqlamayıb, yaralının vəziyyəti ilə bağlı da rəsmi məlumat verilməyib.
Səlahiyyətlilər hadisə yerində araşdırma aparır və kampusda təhlükəsizliyi təmin edirlər. Universitet rəhbərliyi cümə günü üçün bütün dərslərin ləğv edildiyini və tələbələrə psixoloji dəstək xidmətlərinin göstəriləcəyini bildirib. Bu hücum kampus daxilində şiddət hadisələrinin artması ilə bağlı narahatlıqları yenidən gündəmə gətirib və ABŞ universitetlərində təhlüksizlik tədbirlərinə diqqətin artırılmasına səbəb olur.
