ABŞ prezidenti Donald Tramp Meksikada narkotik kartellərinə qarşı quru əməliyyatlarının keçiriləcəyini elan edib. Trampın sözlərinə görə, bu addım ABŞ-ın sərhəd təhlükəsizliyini təmin etmək və Meksikada narkotik qaçaqmalçılığı ilə mübarizəni gücləndirmək məqsədini daşıyır.
Məlumatı MSNews.az “Fox News” və “The Hill” nəşrlərinə istinadən verir.
Hazırda əməliyyatların konkret təfərrüatları, iştirak edəcək qüvvələr və icra tarixi açıqlanmayıb. Ekspertlər bildirirlər ki, belə açıqlamalar diplomatik gərginlik yarada və Meksika ilə ABŞ arasındakı münasibətlərə təsir edə bilər.
Meksika hökuməti və ABŞ-ın rəsmi orqanları məsələ ilə bağlı hələlik rəsmi açıqlama verməyib. Trampın bəyanatı əsasən media çıxışları və sosial şəbəkə paylaşımlarına istinadən yayılıb.
