Yerli icra hakimiyyəti tabeliyindəki mənzil-kommunal xidmət müəssisələri vahid şirkətə birləşdiriləcək. Baş nazir Əli Əsədov müvafiq qərar imzalayaraq yerli icra hakimiyyəti başçılarının tabeliyində fəaliyyət göstərən mənzil-kommunal təsərrüfatı sahəsində xidmət göstərən müəssisələrin fəaliyyətinin təkmilləşdirilməsini təmin edib.
Qərara əsasən, Mənzil-kommunal Təsərrüfatı Müəssisəsinin Nümunəvi Nizamnaməsi təsdiqlənib. Yerli icra hakimiyyəti orqanları (Bakı şəhəri, Laçın, Cəbrayıl, Xocavənd, Xocalı, Kəlbəcər və Qubadlı rayonları istisna olmaqla) altı ay müddətində aidiyyəti üzrə tabeliyindəki mənzil-kommunal təsərrüfatı sahəsində fəaliyyət göstərən müəssisələrin əsasında məhdud məsuliyyətli cəmiyyət statusunda vahid Mənzil-kommunal Təsərrüfatı Müəssisəsinin yaradılması ilə bağlı təkliflərini Nazirlər Kabinetinə təqdim edəcəklər.
Bu addım, mənzil-kommunal xidmətlərin idarə olunmasını səmərəli və vahid standartlar əsasında həyata keçirməyə imkan verəcək.
