Rusiya Prezidenti Vladimir Putin Sankt-Peterburqda Ali Avrasiya İqtisadi Şurasının iclasını açıb. Bu barədə “RIA Novosti”-nin müxbiri məlumat yayıb.
İclas əvvəlcə məhdud tərkibdə başlayıb, daha sonra isə geniş formatda davam edib.
Keçirilən iclasda iştirakçılar Avrasiya İqtisadi İttifaqının (Aİİ) fəaliyyətinə dair aktual məsələləri müzakirə etməyi, inteqrasiya proseslərinin daha da dərinləşdirilməsi və İttifaqın vahid bazarının inkişafı üçün əsas istiqamətləri müəyyənləşdirməyi planlaşdırırlar. Eyni zamanda bir sıra mühüm sənəd və qərarların təsdiqlənməsi nəzərdə tutulur. Xüsusilə, Avrasiya İqtisadi İttifaqı ilə İndoneziya arasında Azad Ticarət Sazişinin imzalanacağı gözlənilir.
Vladimir Putin vurğulayıb ki, Rusiya Aİİ üzrə tərəfdaşlarla qarşılıqlı faydalı və çoxşaxəli əməkdaşlığı yüksək qiymətləndirir və birliyin hərtərəfli möhkəmləndirilməsi istiqamətində birgə işin fəallaşdırılmasında səmimi şəkildə maraqlıdır.
