Geniş maraq doğuran 3I/ATLAS adlı komet bu gün Yerə ən yaxın nöqtəyə çatır. Elm dünyasında böyük həyəcanla izlənən bu gök cismi Günəş sistemi xaricindən gəldiyi bəlli olan nadir astronomik obyektlərdən biridir və 2025-ci ilin dekabr ayının 19-unda planetimizin yaxınından keçəcək.
Ekspertlərin verdiyi məlumata görə, quyruqlu ulduz Yerə təxminən 270 milyon kilometr məsafəyə qədər yaxınlaşacaq ki, bu da Yer ilə Günəş arasındakı orta məsafənin təxminən iki qatına bərabərdir. Elm adamları bu yaxınlaşmanın Yerlə toqquşma və ya təhlükəli təsir yaratmayacağını xüsusi vurğulayırlar.
Astronomlar bildirirlər ki, 3I/ATLAS-ın Yerə ən yaxın olduğu bu kritik anda onun qaz və toz tərkibi, həmçinin işıq xassələri ətraflı şəkildə araşdırılacaq və bu məlumatların ulduzlararası cisimlərin mənşəyi, quruluşu və əmələ gəlmə prosesi ilə bağlı əhəmiyyətli elmi ipucları verəcəyi gözlənilir.
Açıqlamalara görə, bu quyruqlu ulduzu adi gözlə görünməsi gözlənilmir. O, daha çox astronomik teleskoplar və onlayn yayımlar vasitəsilə izlənə bilər.
3I/ATLAS ilk dəfə 1 iyul 2025-də Çilidə ATLAS teleskopu tərəfindən kəşf edilmiş və daha əvvəl müşahidə edilmiş “ʻOumuamua” və “2I/Borisov”dan sonra Günəş sisteminə daxil olan üçüncü təsdiq olunmuş ulduzlararası obyekt kimi tarixə keçib.
