Prezident İlham Əliyev Qətər Əmirini Milli Bayram münasibətilə təbrik edib
Azərbaycan Prezidenti İlham Əliyev Qətər Əmirinə, şeyx Tamin ben Həmad Al Taniyə məktub göndərərək ölkəsinin milli bayramını təbrik edib.
Məktubda Prezident İlham Əliyev Azərbaycan-Qətər əlaqələrinin hazırkı səviyyəsindən məmnunluğunu ifadə edib. O, iki ölkə arasında ortaq dini-mədəni dəyərlər, qardaşlıq prinsipləri və İslam həmrəyliyi üzərində qurulan münasibətlərin daha da inkişaf edəcəyinə əminliyini bildirib.
Prezident həmçinin vurğulayıb ki, Azərbaycan və Qətər qarşılıqlı etimad və dəstək əsasında ikitərəfli və çoxtərəfli əməkdaşlığı genişləndirməyə davam edəcək, beləliklə, qarşılıqlı faydalı əməkdaşlığın bütün potensialını tam şəkildə reallaşdıracaqlar.
