Azərbaycan Respublikasının Prezidenti “Yüksəliş” müsabiqəsi ilə bağlı yeni sərəncam imzalayıb.
Sərəncama görə, 2026-cı ildə növbəti “Yüksəliş” müsabiqəsinin təşkili ilə əlaqədar görüləcək işlər üçün 2025-ci il dövlət büdcəsində Prezidentin ehtiyat fondundan Gənclər və İdman Nazirliyinə 1 milyon manat ayrılır. Maliyyə Nazirliyinə ayrılan vəsaitin maliyyələşməsini təmin etmək tapşırılıb.
Sərəncamla yanaşı, 2019-cu il 26 iyul tarixli 1354 nömrəli sərəncama da dəyişiklik edilib. Müvafiq sənəddə “əmək və əhalinin sosial müdafiəsi” ifadəsi “maliyyə” sözü ilə, “Direktorlar Şurasının” ifadəsi isə “İdarə Heyətinin” sözləri ilə əvəz olunub. “Yüksəliş” müsabiqəsinin təşkilinə məsul Təşkilat Komitəsinə sərəncamdan irəli gələn məsələlərin icrası tapşırılıb.
