Azərbaycanın Respublikasının Prezidentinin köməkçisi Hikmət Hacıyev Benilüks ölkələrinin siyasi direktorları ilə görüşüb
Azərbaycan Prezidentinin köməkçisi və Xarici siyasət məsələləri üzrə şöbə müdiri Hikmət Hacıyev Belçika, Niderland və Lüksemburq xarici işlər nazirliklərinin siyasi direktorları ilə görüşüb.
Lüksemburqun Xarici İşlər Nazirliyinin sosial şəbəkələrində yaydığı məlumata görə, görüşdə Benilüks ölkələrinin Azərbaycanda sülh, regional əlaqəlilik və iqtisadi inkişaf məsələlərinə necə dəstək verə biləcəyi müzakirə olunub.
Paylaşımda həmçinin H.Hacıyevə, Azərbaycan XİN-ə, Milli Məclisə və digər tərəfdaşlara məhsuldar əməkdaşlıq üçün təşəkkür ifadə edilib.
