Banqladeşdə “insanlığa qarşı cinayətlər”də ittiham olunan keçmiş baş nazir Şeyx Hasina Vecid, artıq korrupsiya ilə bağlı üç ayrı məhkəmə işində də ittiham edilib. Dhaka məhkəməsi Hasina və ailə üzvlərini “dövlət torpaqlarının qanunsuz ayrılması” iddiaları üzrə hər bir iş üçün 7 il olmaqla cəmi 21 il həbs cəzasına məhkum edib.
Məhkəmə qərarına görə, Hasinanın övladları – oğlu və qızı daxil olmaqla, bir neçə digər müttəhim də həbs cəzası alıb. Hasina bu məhkəmə proseslərində qiyabi mühakimə olunub.
Banqladeşdə 1971-ci ildəki Müstəqillik Müharibəsi iştirakçılarının övladlarına dövlət iş yerlərində üstünlük verilməsi qərarı iyul ayında gərginliyə səbəb olmuşdu. Tələbələr və digər qrupların təşkil etdiyi etirazlar ölkə üzrə geniş yayılmış, yüzlərlə insan həyatını itirmiş, minlərlə şəxs isə həbs olunmuşdu.
Şiddətli hadisələrin ardından baş nazir Hasina rəsmi yaşayış yerini tərk edərək, helikopterlə Hindistana getmiş, etirazçılar isə rəsmi iqamətgahı ələ keçirmişdi. 8 avqust 2024-cü ildə Nobel mükafatı laureatı Muhammed Yunus keçici hökumət başçısı kimi and içmişdi.
Banqladeş Beynəlxalq Cinayətlər Məhkəməsi isə 17 noyabr 2025-də Hasina Vecidi insanlığa qarşı cinayətlərdə məsuliyyət daşıdığı üçün edam cəzasına məhkum edib.
