Azərbaycanda hakimiyyətin zorla ələ keçirilməsinə çağırışlar, konstitusiya quruluşunun zorla dəyişdirilməsi, dini nifrət və düşmənçiliyin salınması faktları üzrə cinayət işi başlanıb. Türkiyə vətəndaşı, jurnalist Celal Çiftçi barəsində beynəlxalq axtarış elan edilib.
MSNews.az xəbər verir ki, bu barədə Azərbaycan Baş Prokurorluğunun oktyabrın 16-da yaydığı rəsmi məlumatda bildirilib.
İstintaqın ilkin nəticələrinə görə, həmin paylaşımlarda Azərbaycan hakimiyyətinin zorla dəyişdirilməsinə və dini zəmində düşmənçiliyin yaradılmasına yönəlmiş çağırışların olduğu müəyyən edilib. Araşdırılan materiallar arasında süni intellekt vasitəsilə hazırlandığı bildirilən radikal məzmunlu paylaşımlar da var.
Toplanmış materiallar əsasında oktyabrın 16-da Cinayət Məcəlləsinin 281.2, 283.2.1 və 167-3.1-ci maddələri ilə cinayət işi başlanıb. Həmin maddələr hakimiyyətin zorla ələ keçirilməsinə təkrar açıq çağırışları, dini nifrət və düşmənçiliyin salınmasını, həmçinin dini ekstremist fəaliyyətə çağıran materialların hazırlanması və yayılmasını əhatə edir.
Qeyd edək ki, Celal Çiftçiyə qarşı irəli sürülən ittihamlar üzrə yekun məhkəmə hökmü açıqlanmayıb.
