Azərbaycan milli komandası UEFA Millətlər Liqasının D Liqasının 2-ci qrupunda ikinci oyununu keçirib. Bakıda Lixtenşteyn yığmasını qəbul edən millimiz rəqibin qapısına yol tapa bilməyib və qarşılaşma 0:0 hesabı ilə başa çatıb.
MSNews.az xəbər verir ki, qarşılaşma Tofiq Bəhramov adına Respublika Stadionunda keçirilib. Matç ərzində tərəflərdən heç biri hesabı aça bilməyib və komandalar hərəyə bir xalla kifayətləniblər.
Azərbaycan millisi turnirdə keçirdiyi ilk görüşdə də qələbə qazana bilməmişdi. Ayxan Abbasovun rəhbərlik etdiyi komanda sentyabrın 27-də səfərdə Litva ilə 1:1 hesablı heç-heçə etmişdi. Beləliklə, yığmamız iki turdan sonra aktivinə 2 xal yazdırıb.
Lixtenşteyn isə ilk turda öz meydanında Litvaya 0:2 hesabı ilə uduzmuşdu. Bakıdakı heç-heçə komandanın qrup mərhələsində qazandığı ilk xal olub.
Azərbaycan millisinin növbəti qarşılaşması yenə Bakıda keçiriləcək. Yığmamız oktyabrın 4-də saat 17:00-da Litvanı qəbul edəcək. Görüş “8-ci km” stadionunda baş tutacaq.
