FİFA prezidenti Canni İnfantino təşkilatın yüksəkvəzifəli rəhbərlərini Mərakeşdə təcili böhran iclasına çağırıb.
MSNews.az xəbər verir ki, “L’Équipe” görüşün İnfantinonun 2027-ci ilin martında keçiriləcək prezident seçkisində mövqeyini möhkəmləndirmək məqsədi daşıdığını yazıb. Bir sıra Avropa federasiyalarının ona dəstəyini geri götürdüyü bildirilir.
Gərginlik İnfantinonun dünya çempionatının kommersiya hüquqlarının bir hissəsini özəl investorlara satmaq planından sonra yaranıb. Layihə geri götürülsə də, FİFA-nın baş katibi Mattias Qrafström və qlobal futbolun inkişafı üzrə rəhbəri Arsen Venger bu təşəbbüsdən uzaqlaşıblar.
“Reuters” İnfantinonun bəzi Afrika federasiyalarının dəstəyini qoruduğunu və hələlik seçkidə rəsmi rəqibinin olmadığını bildirir.
