Lionel Messi Madridin Serra-Oeste bölgəsində meşə yanğınlarından zərər çəkən yaşayış məntəqələrinin bərpasına 80 min avro bağışlayıb.
MSNews.az xəbər verir ki, Madrid Muxtar İcmasının rəhbəri İsabel Dias Ayuso yardıma görə argentinalı futbolçuya təşəkkür edib: “Madridlilər onu layiq olduğu alqışla qarşılamaq üçün gəlişini gözləyirlər”.
“El País” yazır ki, Messinin nümayəndələri ianənin rəsmiləşdirilməsi üçün bölgə rəhbərliyi ilə əlaqə saxlayıblar. Vəsait yanğından zərər çəkən bələdiyyələrin bərpasına yönəldiləcək.
