ABŞ Prezidenti Donald Tramp İranla atəşkəs və danışıqlar prosesinin gələcəyi ilə bağlı sərt mövqe nümayiş etdirib.
MSNews.az xəbər verir ki, sosial şəbəkələrdə Trampın “İranla atəşkəs başa çatıb” və “Tehranla danışıqlar vaxt itkisidir” məzmunlu açıqlama verdiyi barədə məlumatlar yayılıb. Lakin bu sitatların tam mətn şəklində rəsmi Ağ Ev açıqlamasında və ya aparıcı beynəlxalq agentliklərdə eyni formada təsdiqi hələlik görünmür.
Bununla belə, ABŞ və İran arasında gərginliyin ciddi şəkildə artdığı təsdiqlənir. “Reuters”in məlumatına görə, ABŞ hərbçiləri Hörmüz boğazında üç tankerə hücumdan sonra İran ərazisində 80-dən çox hədəfə zərbələr endirib. ABŞ Mərkəzi Komandanlığı hücumların İran qüvvələrinin “atəşkəsi açıq şəkildə pozması”na cavab olduğunu bildirib.
Hazırda tərəflər bir-birini atəşkəsi pozmaqda ittiham edir. Rəsmi Vaşinqtonun atəşkəsin tam başa çatdığını elan etməsi barədə yekun və təsdiqlənmiş bəyanat isə hələlik açıqlanmayıb.
