Qanalı ruhani Nana Kvaku Bonsam Lionel Messi və Argentina yığması ilə bağlı növbəti rezonans doğuran iddia ilə gündəmə gəlib.
MSNews.az xəbər verir ki, özünü ənənəvi ruhani kimi təqdim edən Bonsam sosial şəbəkələrdə yayılan açıqlamasında Messinin DÇ-2026-da “altı qol limitini” tamamladığını və Argentinanın həlledici penalti epizodundan sonra mundialla vidalaşacağını iddia edib. “Sports.kz” nəşri bu sözləri LFCNUEL-a istinadən yayıb. Mənbəyə görə, Bonsam Messinin “çox gözlənilməz komandaya qarşı” həlledici penaltini qaçıracağını irəli sürüb.
Bununla belə, bu iddia rəsmi və ya idman baxımından təsdiqlənmiş məlumat deyil. “The Business Standard” yazır ki, Bonsamın Argentina və Kabo-Verde oyunu ilə bağlı proqnozu sosial şəbəkələrdə yayılıb, lakin bunun heç bir idman əsası yoxdur.
Messi hazırda DÇ-2026-nın ən məhsuldar futbolçularından biridir. Argentina millisinin kapitanı turnirdə altı qol vurub və Fransa hücumçusu Kilian Mbappe ilə bombardirlər yarışında liderliyi bölüşür. Messi həmçinin mundiallarda ardıcıl yeddi oyunda qol vuran ilk kişi futbolçu kimi tarixə düşüb.
Qeyd edək ki, Nana Kwaku Bonsam daha əvvəl də futbolçularla bağlı qeyri-adi iddiaları ilə gündəmə gəlib. “The Guardian” 2014-cü ildə onun Kriştianu Ronaldonun zədəsi ilə bağlı oxşar iddia səsləndirdiyini yazmışdı. Son günlərdə isə Bonsamın Harri Keynlə bağlı “lənət” iddiaları sosial şəbəkələrdə müzakirə olunub.
