Kot-d’İvuar millisi DÇ-2026-nın “E” qrupunda Kürasaonu məğlub edib.
MSNews.az xəbər verir ki, qarşılaşma Kot-d’İvuarın 2:0 hesablı qələbəsi ilə başa çatıb. Filadelfiyadakı “Lincoln Financial Field” stadionunda keçirilən matçda hər iki qolu Nikola Pepe vurub.
Kot-d’İvuar oyuna sürətli başlayıb və Pepe 7-ci dəqiqədə komandasını hesabda önə keçirib. İkinci hissədə də üstünlüyünü qoruyan Afrika təmsilçisi 64-cü dəqiqədə yenə Pepenin qolu ilə fərqi iki topa çatdırıb.
Bu nəticədən sonra Kot-d’İvuar “E” qrupunda vacib qələbə qazanaraq Almaniya ilə birlikdə pley-off mərhələsinə vəsiqə qazanıb. Kot-d’İvuar baş məşqçisi Emerse Fae komandasının qrup mərhələsindəki çıxışına görə pley-offa layiq olduğunu bildirib.
Kürasao isə debüt etdiyi dünya çempionatında qrup mərhələsini qələbəsiz başa vurub.
