İspaniyalı mütəxəssis Xabi Alonsonun Londonun “Çelsi” klubunun yeni baş məşqçisi təyin olunacağı bildirilir. Tanınmış insayder Fabrizio Romanonun məlumatına görə, tərəflər 4 illik müqavilə üzrə razılığa gəliblər və Alonso yaxın zamanda “Çelsi”nin yeni çalışdırıcısı kimi elan olunacaq. Müqavilənin 2030-cu ilin iyununadək qüvvədə olacağı qeyd edilir.
44 yaşlı Xabi Alonso məşqçilik karyerasında ən böyük uğurunu “Bayer Leverkuzen”də qazanıb. O, Almaniya klubunu 2023/24 mövsümündə Bundesliqa çempionluğuna daşıyaraq Avropanın ən perspektivli gənc mütəxəssislərindən biri kimi tanınıb. “The Guardian” qeyd edir ki, Alonso “Çelsi”də yalnız baş məşqçi yox, daha geniş səlahiyyətlərə malik menecer statusu ala bilər və transfer qərarlarında ciddi söz sahibi olması gözlənilir. (Гардиан)
Alonsonun gəlişi “Çelsi” üçün çətin mövsümdən sonra yeni layihənin başlanğıcı kimi qiymətləndirilir. London klubu bu mövsüm qeyri-sabit nəticələrlə üzləşib və Çempionlar Liqasına vəsiqə qazanmaq şansını böyük ölçüdə itirib. Buna görə də rəhbərlik yayda heyətin yenidən qurulması və daha təcrübəli futbolçuların transferinə fokuslanmağı planlaşdırır.
