Türkiyənin “Sözcü” nəşrində “dünyanın ən itmiş qəbiləsi” kimi təqdim edilən Bnei Menaşe icması əslində Hindistanın şimal-şərqində, əsasən Manipur və Mizoram ştatlarında yaşayan, özünü İsrailin “itmiş on qəbiləsindən” birinin nəslindən hesab edən bir topluluqdur. Onların İsrailə köçü yeni mövzu deyil, amma 2025-ci ilin noyabrında İsrail hökumətinin qəbul etdiyi qərarla proses yenidən sürət qazanıb. Həmin plana əsasən, icmanın qalan təxminən 5800 üzvünün 2030-cu ilə qədər İsrailə köçürülməsi nəzərdə tutulur.
İsrailin təsdiqlədiyi plana görə, ilk mərhələdə 1200 nəfərin 2026-cı ilin sonunadək, qalan 4600 nəfərin isə 2030-cu ilədək mərhələli şəkildə İsrailə aparılması planlaşdırılır. Proqram dövlət dəstəyi ilə qurulub və uçuş xərcləri, ivrit dili hazırlığı, mənzil və inteqrasiya xərcləri üçün təxminən 27 milyon dollar həcmində büdcə ayrıldığı bildirilir.
Bu icma İsraildə uzun illərdir “itmiş qəbilə” narrativi ilə tanınır. O dövrdə İsrailin baş ravvini tərəfindən 2005-ci ildə Bnei Menaşe ilə bağlı dini tanınma verilib, lakin İsrailə köçənlərin bir hissəsindən yenə də formal dini çevrilmə prosedurlarını keçmək tələb olunub.
