Qana millisinin baş məşqçi postuna Yoahim Lövün gətirilə biləcəyi ilə bağlı iddialar futbol gündəmini hərəkətləndirib. “Reuters“-in məlumatına görə, Qana Futbol Assosiasiyası martın 31-də Otto Addo ilə yollarını ayırıb və yeni məşqçi axtarışı başlayıb.
Bunun ardınca “GOAL” və digər media resurslarında Almaniya millisinin sabiq çalışdırıcısı Yoahim Lövlə danışıqların irəliləmiş mərhələdə olduğu barədə xəbərlər yayılıb. Lakin məsələ ilə bağlı ən vacib detal budur ki, Löv özü bu məlumatı açıq şəkildə təkzib edib. “GOAL”-ın yazdığına görə, o, “Qanadan heç kim mənimlə rəsmi danışmayıb” deyərək hazırda belə təmasın olmadığını bildirib.
