İsrailin regionda artan gərginlik fonunda genişmiqyaslı quru əməliyyatına hazırlaşdığı bildirilir. Məlumata görə, ölkə rəhbərliyi təxminən 400 min ehtiyat hərbçini silah altına çağırmaq qərarı verib.
Bu addımın əsas məqsədinin mümkün quru müharibəsi üçün ordunun döyüş qabiliyyətini maksimum səviyyəyə çatdırmaq olduğu qeyd olunur. Səfərbərlik qərarı regionda hərbi eskalasiyanın yeni mərhələyə keçə biləcəyinə işarə kimi qiymətləndirilir.
Ekspertlər bildirir ki, belə genişmiqyaslı ehtiyat qüvvələrin cəlb olunması İsrailin yalnız müdafiə deyil, həm də aktiv hərbi əməliyyatlara hazırlaşdığını göstərir.
Analitiklərin fikrincə, bu proses Yaxın Şərqdə vəziyyəti daha da gərginləşdirə və münaqişənin genişlənməsi riskini artırır.
