Pakistan hökuməti Əfqanıstan ilə sərhəddə aparılan hərbi əməliyyatların müvəqqəti dayandırıldığını açıqlayıb.
Rəsmi məlumatda bildirilir ki, sakitlik rejimi “Eid al-Fitr” – Ramazan bayramı şənlikləri dövründə tətbiq ediləcək. Bu addım bölgədə gərginliyin müvəqqəti də olsa azaldılması məqsədi daşıyır.
İslamabadın yaydığı bəyanata görə, qərar bir sıra ölkələrin diplomatik müraciətlərindən sonra qəbul edilib. Vasitəçilik təşəbbüsü ilə çıxış edən ölkələr arasında Səudiyyə Ərəbistanı, Qətər və Türkiyə yer alır.
Diplomatik kanallar vasitəsilə aparılan danışıqlar nəticəsində tərəflərin Ramazan bayramı müddətində hərbi fəaliyyətləri dayandırmağa razılıq verdiyi bildirilib.
