Benzinin qiymətinin kəskin artması elektromobillərə marağı yenidən yüksəldib. “Bloomberg”-in məlumatına görə, bir qallon benzinin 4 dollara çatması sürücüləri daxili yanma mühərrikli avtomobillərdən elektromobillərə keçməyə sövq edən dönüş nöqtəsi hesab olunur.
“CarEdge” platformasının məlumatına görə, İrana qarşı ilk hücumdan sonra bir həftə ərzində elektromobillərlə bağlı axtarış trafiki 20% artıb. Ən populyar modellərdən olan “Tesla Model Y” və “Chevrolet Equinox” üçün axtarış trafiki isə demək olar ki, iki dəfə yüksəlib.
Analitiklərin fikrincə, hazırda yüksək benzin qiymətləri əsasən yeni avtomobil almağı planlaşdıran alıcılara təsir edir. Lakin qiymətlər üç ay və ya daha uzun müddət yüksək səviyyədə qalsa, artıq yeni avtomobil almağı düşünməyən sürücülər də elektromobil almağı nəzərdən keçirə bilər.
Elektromobil həvəskarlarının seçimi də genişdir – elektromobillərin və elektrik pikaplarının ehtiyatları daxili yanma mühərrikli avtomobillərin ehtiyatlarından demək olar ki, iki dəfə çoxdur.
