Türkiyənin tanınmış tarixçisi və professoru İlber Ortaylı ilə bağlı yayılan “vəfat etdi” xəbərləri gündəmin əsas mövzularından biridir. Son məlumatlara görə, məşhur alim 78 yaşında vəfat edib.
Məlumatlarda bildirilir ki, Ortaylı bir müddət ciddi sağlamlıq problemləri səbəbilə xəstəxanada müalicə alırdı və vəziyyəti ağırlaşdıqdan sonra reanimasiya şöbəsinə yerləşdirilmişdi.
Həkimlərin nəzarəti altında aparılan müalicəyə baxmayaraq, son günlər səhhətində baş verən ağırlaşmalar nəticəsində professorun həyatını itirdiyi bildirilib.
İlber Ortaylı Osmanlı və Türkiyə tarixi üzrə dünyanın ən tanınmış tarixçilərindən biri hesab olunurdu. O, uzun illər müxtəlif universitetlərdə dərs demiş, həmçinin bir müddət Topkapı Sarayı Muzeyinin direktoru vəzifəsində çalışmışdı.
Onun “İmperatorluğun ən uzun əsri”, “Osmanlını yenidən kəşf etmək”, “Tarixin izində” kimi kitabları geniş oxucu auditoriyası qazanmışdı.
