İran İnqilab Keşikçiləri Korpusu, “Hörmüz Boğazı Ağıllı Nəzarət” təlimləri çərçivəsində ilk dəfə gəmi mərkəzli hava müdafiə raketi olan “Səyyad 3-G”ni sınaqdan keçirdi.
Təlimə qatılan “Şəhid Səyyad Şirazi” gəmisindən atəşlənən raketin 150 kilometr mənzilə sahib olduğu və “Şəhid Süleymani” sinifli gəmilər üçün regional hava müdafiə qalxanı funksiyası təmin edə bildiyi bildirildi.
Sistem müstəqil aşkarlama və atəş qabiliyyətinə malikdir, inteqrasiya olunmuş komanda və idarəetmə şəbəkəsinə qoşularaq gəmilərin hava təhdidlərinə qarşı müdafiə imkanlarını artırır. Quru bazalı versiyası olan “Səyyad 3″ ilk dəfə 28 dekabr 2016-cı ildə sınaqdan keçirilmiş, 6 metr uzunluğunda və 900 kiloqram ağırlığında idi.
Təlimlər 16 fevralda başlayıb və 3 gün davam edib. Bu addım, İranın Hörmüz Boğazındakı strateji müdafiə qabiliyyətlərini gücləndirmə məqsədini əks etdirir.
