Fevralın 19-da ABŞ-ın paytaxtı Vaşinqton şəhərində Sülh Şurasının ilk iclası keçirilib. Azərbaycan Respublikasının Prezidenti İlham Əliyev ABŞ Prezidenti Donald Trampın dəvəti ilə tədbirdə iştirak edib.
İclas öncəsi birgə foto çəkdirilib. Daha sonra ABŞ Prezidenti Donald Tramp çıxış edərək prezidentliyi dövründə bir sıra münaqişələrin həllinə nail olunduğunu bildirib. O, Azərbaycan və Ermənistan arasında əldə olunan sülh razılaşmasını xüsusi qeyd edərək, bunun region üçün tarixi əhəmiyyət daşıdığını vurğulayıb.
Donald Tramp Azərbaycan Prezidenti İlham Əliyevə təşəkkür edib və tərəflərin 30 ildən artıq davam edən münaqişədən sonra sülhə nail olmasını mühüm hadisə kimi dəyərləndirib.
İclas çərçivəsində digər dövlət nümayəndələrinin çıxışları dinlənilib. Sonda Sülh Şurasının maliyyə intizamı və şəffaflıq prinsipləri haqqında qətnamə imzalanıb.
